ETOPAZ 
Federer “Top-10”u tərk edir
“Böyük dəbilqə” turnirlərinin 20 qat qalibi Rocer Federer ATP reytinqində “Top-10”u tərk edəcək. Buna polşalı Hubert Hurkaç səbəb olub.
O, İndian-Uellsdəki turnirin 3-cü mərhələsində Frensis Tiafa qalib gəlib – 6:3, 6:2. “Masters”dəki bu qələbə Hurkaça Federeri keçmək imkanı verib.
40 yaşlı isveçrəli gələn həftə açıqlanacaq reytinqdə “onluq”da olmayacaq. Federer sonuncu dəfə 2017-ci ilin əvvəlində, “Australian Open” ərəfəsində 10 ən güclü sırasında yer almayıb.
