Durant meydanlara döndü, komandası uduzdu
NBA-nın növbəti turunda “Bruklin” “Mayami” ilə qarşılaşıb (107:113). Görüş “Nets”in ulduz basketbolçusu Kevin Durantın meydanlara dönməsi ilə əlamətdar olub.
Durant 35 dəqiqə ərzində 31 xal, 4 ribaund və 4 assistə imza atıb. O, yanvarın ortalarında dizindəki bağdan zədə alıb və o vaxtdan bəri oyunlarda olmayıb.
Liderinin olmadığı müddətdə “Bruklin” çətinliklərlə üzləşib və Şərq Konfransında 8-ci yerə düşüb.