ETOPAZ 
Corc Brayantı keçdi
“Klippers”in basketbolçusu Pol Corc 5 oyunluq fasilədən sonra meydana qayıdıb. Zədə üzündən kənarda qaldıqdan sonra heyətə dönən hücumçu “San-Antonio” ilə qarşılaşmada iştirak edib. Los-Anceles təmsilçisi bu matçda 92:116 hesabı ilə uduzub.
Corc 25 xal, 6 ribaund, 6 ötürmə və 3 topalmaya imza atıb. O, üç uzaq atışdan dəqiq olub. Bununla da Pol NBA tarixində ən çox üçxallıq atış edənlər siyahısında 19-cu yerə yüksəlib. O, əfsanəvi Kobi Brayantı arxada qoyub.
