ETOPAZ 
Cokoviçdən rekord
Novak Cokoviç Uimbildon tennis turnirinin finalına yüksəlib. Serbiyalı tennisçi Böyük Britaniyada 9-cu dəfə bu şansı qazanıb.
Cokoviç yarımfinalda italiyalı Yannik Sinnerə qalib gəlib. O, rəqibindən hər üç setdə üstün olub – 6:3, 6:4, 7:6. Serbiyalı raketka ustası “Böyük Dəbilqə” yarışlarında 35-ci dəfə finalda oynayacaq. Bu, kişi və qadın tennisçilər arasında mütləq rekorddur. Amerikalı Kris Evert 34, onun həmyerlisi Serena Uilyams isə 33 dəfə həlledici matçda mübarizə aparıblar.
