ETOPAZ 
“Bruklin” tarixində yeni rekordçu
Co Harris “Bruklin”in tarixinə düşüb. Müdafiəçi komandasının heyətində ən çox dəqiq üçxallıq atış edən basketbolçu olub.
Bu rekord “Mayami” ilə qarşılaşmada rəsmiləşib. 11 atışından 5-i dəqiq olan Harrisin komandası 93:106 hesabı ilə uduzub.
Müdafiəçin “Bruklin”in heyətindəki uğurlu üçxallıq atışlarının sayı 816-ya çatıb. 349 matçda 1855 belə cəhd edən Co “Nets”in tarixində mütləq rekordçu olub.
O, Ceyson Kiddə məxsus göstəricini arxada qoyub. Sonuncu 506 matçda 2377 cəhddən 813-də dəqiq olub.
