ETOPAZ 
Bricsə 50.000 dollar cərimə
NBA “Şarlott”un basketbolçusu Mayls Bricsi cəzalandırıb. Qurum “Atlanta” ilə görüş (103:132) zamanı baş vermiş insidentə görə oyunçunu 50 min dollar cərimələyib.
Dördüncü rübdə meydandan qovulduqdan sonra soyunub-geyinmə otağına qayıdan Brics tribunadan gələn qışqırığa reaksiya verib. Arxasına dönüb və ağız qoruyucusunu tullayıb. Məlum olub ki, basketbolçu “cheerleader”i vurub. Oyundan sonra Brics öz hərəkətlərini qəbuledilməz adlandırıb.
