ETOPAZ 
Benzema üçün medal şansı
Fransa millisi DÇ-2022-də mükafatçılar sırasına düşsə, Kərim Benzema da medal alacaq. “Real”ın hücumçusu mundiala hazırlıq prosesində zədə aldığı üçün millinin düşərgəsini tərk edib.
Amma onun əvəzinə milliyə başqa futbolçu çağırılmayıb. Bu üzdən də Benzemanın adı sifariş vərəqində qalıb.
Çempion və mükafatçı komandalara təqdim olunacaq 26 medaldan biri də ona verilə bilər. Bunun üçün son dünya çempionu ilk yerdən birini tutmalıdır.
Qeyd edək ki, qrup mərhələsində iki qələbə qazanan Fransa 1/8 finala vəsiqəni təmin edib.
