ETOPAZ 
Benitesin hədəfindəki “Real”lılar
İngiltərənin “Everton” klubu qış fasiləsində heyətinə iki futbolçu qatmağı planlaşdırır. Premyer Liqa klubu İspaniya “Real”ının üzvləri İsko və Luka Yoviçi icarəyə götürmək niyyətindədir.
Baş məşqçi Rafael Benites bu oyunçuların komandanı gücləndirəcəyini düşünür. Onun klub rəhbərliyinə müraciətindən sonra liverpullular “Real”la danışıqlara başlamağa hazırlaşır.
Xatırladaq, ötən mövsümdə İsko “Real”da 29, Luka icarədə olduğu “Ayntraxt”da 18 oyun keçirib. Yoviçin hesabında 4 qol da var.
