ETOPAZ 
Azərbaycan 29-cu pillədə
Avrokubokların 2-ci təsnifat mərhələsinin üçüncü oyun günündən sonra UEFA reytinqi açıqlanıb. “Qəbələ” və “Neftçi”nin Konfrans Liqasındakı matçlarından sonra Azərbaycanın mövqeyi dəyişməyib.
Ölkəmiz 15,125 xalla Avropada 29-cudur. Bu xalların 0,875-i cari mövsüm əldə olunub.
“Neftçi” Bosniya və Herseqovinada “Jelezniçar”la heç-heçə edərək (2:2) Azərbaycana 0,125 xal qazandırıb. Evdə “Omoniya”ya uduzan “Qəbələ”nin 2:3 hesablı məğlubiyyəti isə aktivimizi zənginləşdirməyə imkan verməyib.
Cari mövsümdə “Neftçi”dən başqa “Qarabağ” 0,500, “Sabah” 0,250 xalla ölkə əmsalına töhfə verib.
Qeyd edək ki, UEFA reytinqinə İngiltərə başçılıq edir.
