ETOPAZ 
Ançelottidən növbəti rekord
İspaniya La Liqasında 5-ci turun oyunları keçirilir. “Real” “Real Sosyedad”la qarşılaşıb.
Görüş madridlilərin 2:0 hesablı qələbəsi ilə nəticələnib. Bununla da, madridlilərin məğlubiyyətsiz oyunlar seriyası 32 matça çatıb.
“Kral klubu” sonuncu dəfə yanvarda İspaniya Kral Kubokunda “Atletiko”ya yenilib – 1:0. Bu nailiyyət Karlo Ançelottinin məşqçilik karyerasında ən yaxşı göstəricidir.
Qeyd edək ki, italiyalı mütəxəssisin əvvəlki rekordu 31 oyun olub. O, həmin rekorda da “Real”da imza atıb.
