ETOPAZ 
Qolsuz seriya
“Mançester Yunayted”in futbolçusu Kriştiano Ronaldonun qol həsrəti davam edir. Ulduz hücumçu ardıcıl 4 oyundur qol vura bilmir.
Bu gün 37 yaşını qeyd edən portuqaliyalı İngiltərə kubokunun “Midlsbro” ilə matçında da meydandan qolsuz ayrılıb. 1:1 hesabı ilə başa çatan görüşün ilk 45 dəqiqəsində penaltidən yararlana bilməyən forvard oyunsonrası seriyada fərqlənə bilib. Lakin onun komandası 7:8 hesabı ilə uduzub.
Ronaldo sonuncu dəfə dekabrın 30-da “Bernli” ilə Premyer Liqa matçında fərqlənib. O, 3:1 hesablı qələbədən sonra qol vura bilməyib.
