ETOPAZ 
Canni de Byazi: “Sabahkı oyun çətin yox, çox çətin olacaq”
AVRO-2024-ün seçmə mərhələsi davam edir. Sabah millimiz Avstriyanı qonaq edəcək.
Oyundan öncə yığmamızın baş məşqçisi Canni de Byazinin mətbuat konfransı keçirilib. Sizi onun fikirləri ilə tanış edirik:
“Sabahkı oyun çətin yox, çox çətin olacaq. Avstriya yaxşı komandadır. Düzdür, bir neçə əsas oyunçuları meydana çıxa bilməyəcək. Amma ilk oyunla müqayisədə inkişaf görünür. Ralf Ranqnik yaxşı məşqçidir və komandasına müasir futbol oynadır. Belçikayla matçlarına baxmışam. Nəticə aldadıcı ola bilər. Məncə, Avstriya rəqibdən daha yaxşı oynadı, Belçika isə kiçik səhvlərdən istifadə edib qollar vurdu”.
