ETOPAZ 
Benzema Raulu geridə qoydu
“Real”ın La Liqada ən çox qol vuran futbolçuları siyahısında dəyişiklik olub. Madrid təmsilçisinin fransalı hücumçusu Kərim Benzema komandanın bombardirləri sırasında 2-ci pilləyə yüksəlib.
35 yaşlı futbolçu buna La Liqanın XXI turunda “Elçe” ilə matçda (4:0) iki qol vuraraq nail olub. O, siyahıda Raul Qonzalesi qabaqlayıb. Benzemanın aktivində 230, “Real”ın sabiq forvardının isə 228 qol var.
“Kral klubu”nda ən çox qol müəllifi isə Portuqaliya millisinin kapitanı Kriştiano Ronaldodur. 2009-2018-ci illərdə “Real”da çıxış etmiş superulduz 311 qolla zirvədə yer alır.
