ETOPAZ 
40-cı final
Dünyanın sabiq 1-ci raketkası Simona Halep Kluj-Napokadakı turnirin finalına yüksəlib. O, yarımfinalda Marta Kostyuku asanlıqla məğlub edib – 6:0, 6:1.
Rumıniyalı son iki oyunda cəmi 3 qeym uduzub. Simona 2020-ci ilin sentyabrından sonra ilk dəfə WTA səviyyəli turnirin finalına çıxıb. Kluj-Napokadakı final onun karyerasında 40-ci həlledici matç olacaq. Simona 22 titul sahibidir ki, bunlardan ikisi “Böyük dəbilqə”lərə təsadüf edib.
