ETOPAZ 
“Çelsi” uduzdu, Dortmundda böyükhesablı qələbə
Çempionlar Liqasında 2022/23 mövsümünün qrup mərhələsinə start verilib. I turun ilk oyun günündə iki matçı başa çatıb.
Azərbaycan millisinin futbolçusu Mahir Emrelinin şərəfini qoruduğu Zaqreb “Dinamo”su öz meydanında “Çelsi”ni qəbul edib. E qrupunun matçında Xorvatiya çempionu sensasiyaya imza ataraq adlı-sanlı rəqibini 1:0 hesabı ilə məğlub edib. Mahir bu görüşdə meydana çıxmayıb.
G qrupunda çıxış edən Dortmund “Borussiya”sı da ev qələbəsi qazanıb. Almaniya təmsilçisi “Kopenhagen”lə matçda rəqibini böyükhesablı məğlubiyyətə uğradıb – 3:0.
Qeyd edək ki, bu gün turun daha 6 matçı baş tutacaq.
