ETOPAZ 
Yap Stam istefaya göndərildi
MLS-də çıxış edən “Tsintsinatti” klubu baş məşqçisi Yap Stamı istefaya göndərib. 49 yaşlı niderlandlı mütəxəssisin ABŞ klubundakı fəaliyyəti 1 il 4 ay sürüb.
2020-ci ilin mayından “Tsintsinatti”yə rəhbərlik edən Stamı müvəqqəti Tayron Marşall əvəzləyib. O, yeni baş məşqçi təyinatına qədər komandanın “sükanı arxası”nda olacaq.
Niderlandlının istefasına uğursuzluqlar səbəb olub. Onun yetirmələri son 16 oyunda cəmi 1 qələbə qazanıb.
