ETOPAZ 
Van Qal Portuqaliya yolunda
Dünya çempionatından sonra Niderland millisinin baş məşqçi postundan istefa verərək karyerasını bitirdiyini açıqlayan Lui Van Qal fikrini dəyişib. Təcrübəli mütəxəssis heç bir komandada çalışmaq istəmədiyini desə də, yenidən işinə davam edə bilər.
Lakin bu yalnız bir halda reallaşacaq. Onun məşqçi kimi çalışması üçün yalnız Portuqaliya millisindən təklif almalıdır. Van Qalın sözlərinə görə, bu yığma onun xidmətində maraqlı olduğu halda yenidən karyerasını bərpa edəcək.
Qeyd edək ki, niderlandlı çalışdırıcının rəhbərlik etdiyi milli DÇ-2022-də 1/4 finalda Argentinaya uduzaraq, yarışı dayandırmışdı.
