İngiltərədən darmadağın
Qətərdəki DÇ-2022-nin 1/8 final mərhələsində daha bir oyun baş tutub. C qrupunun qalibi olan İngiltərə D qrupunun ikincisi Seneqalı sınağa çəkib.
Afrika təmsilçisi matçın əvvəlində yaxşı təsir bağışlasa da, çempionluğa namizədlərdən sayılan İngiltərə sensasiyaya imkan verməyib. Fasilə ərəfəsində futbolun yaradıcıları 2 qola imza atıb.
Cordan Henderson 39-cu, Harri Keyn 45+3-cü dəqiqədə fərqlənib. İkinci hissənin əvvəlində ingiltərəlilər üstünlüyünü artırıb. Bukayo Saka darmadağını rəsmiləşdirib – 3:0. DÇ-2018-in yarımfinalçısı bu qələbə ilə 1/4 finala adlayıb.
Qeyd edək ki, bunadək Niderland, Argentina və Fransa da 1/4 finala yüksəlib.