ETOPAZ 
Beyldən ikinci het-trik
Qaret Beyl Uels millisinin heyətində ikinci het-trikinə imza atıb. O, DÇ-2022-nin Belarusla səfər oyununda komandasına qələbə qazandırıb – 3:2. Bu, Qaretin yığmada rəsmi turnirlərin oyununda ilk het-trikidir. Beyl 2018-ci ilin martında Çinlə yoldaşlıq oyununda belə uğura imza atıb.
Uels yığmasını rəsmi matçlarda sonuncu het-triki 29 il əvvəl olub. DÇ-1994-ün 1992-ci il sentyabrın 9-da baş tutan oyununda Yan Raş Farer adalarına qarşı görüşdə fərqlənib.
