ETOPAZ 
“Zirə” pley-offda
“Zirə” Konfrans Liqasında növbəti matçına çıxıb. Premyer Liqanın vitse-çempionu III təsnifat mərhələsinin cavab oyununu keçirib.
Bakı klubu Xorvatiya “Osiyek”ini qəbul edib. Rəşad Sadıqovun yetirmələri səfərdəki 1:1 hesablı bərabərlikdən sonra pley-offa vəsiqə üçün mübarizə aparıb. Ötən həftə olduğu kimi yenə görüşün120 dəqiqəsi heç-heçə bitib – 2:2.
Qarşılaşmanın ilk 45 dəqiqəsində Vedran Yuqoviç hesabı açıb. İkinci yarının əvvəlində Qismət Alıyev penaltidən bərabərlik qoluna imza atıb. Görüşün sonlarında Anton Matkoviç Xorvatiya klubuna yenidən önə çıxarıb. Matçın son dəqiqələrində “Zirə”nin bombardiri Davit Volkov hesaba tarazlıq gətirib – 2:2.
Əlavə vaxtda da qol olmadığı üçün cütün taleyinə penaltilər seriyasında aydınlıq gəlib. Daha dəqiq olan “Zirə” pley-offa adlayıb. Bakılılar seriyada 2:1 hesablı qələbə qazanıb.
Tarixində ilk dəfə pley-offa yüksələn qəsəbə klubu Kipr təmsilçisi “Omoniya” ilə görüşəcək.
