ETOPAZ 
Zaretskadan qızıl, Qurbanlı bürünc qazandı
Azərbaycan karateçiləri Krakov-2023 III Avropa Oyunlarında daha iki medal qazanıb. İrina Zaretska (68 kq) bütün rəqiblərinə qalib gələrək, qızıl medala yiyələnib. Bu, karateçimizin Avropa Oyunlarında üçüncü mükafatı, ikinci çempionluğu olub.
Ondan fərqli, Asiman Qurbanlı yarımfinalda mübarizəni dayandırdığından bürünc medalla kifayətlənib. Bununla da karate yığmamızın ümumi qazancı 3 medala çatıb.
Qeyd edək ki, ilk gündə karateçilərimizdən Tural Ağalarzadə (67 kq) yarışı qızıl medalla başa vurub.
