“Yuventus”da ciddi itkilər

“Yuventus”da ciddi itkilər

“Yuventus”da ciddi itkilər yaranıb. A seriyasının 26-cı turunda “Torino” ilə matçda “qoca sinyora” 3 oyunçusunu itirib.

Oyunöncəsi isinmə hərəkətləri zamanı müdafiəçi Daniele Ruqani zədələnib. Nəticədə onu start heyətində Luka Pelleqrini əvəzləyib. Lakin matçın gedişində Pelleqrini də zədələnib və fasilədən sonra əvəzlənib. 54-cü dəqiqədə isə hücumçu Paulo Dibala xəsarət aldığı üçün mübarizəni davam etdirə bilməyib.

Onların fevralın 22-də Çempionlar Liqasının 1/8 final mərhələsində “Vilyarreal”la ilk oyuna hazır olub-olmayacağı bəlli deyil.

Qeyd edək ki, “Yuventus”da mərkəz müdafiəçiləri Leonardo Bonuççi və Corcio Kyellini də zədədən əziyyət çəkir.