“Verder”də iki istefa
Almaniyanın “Verder” klubu baş məşqçisi Markus Anfanqı və köməkçisi Florian Yunqu istefaya göndərib. Bunu Bremen təmsilçisinin mətbuat xidməti açıqlayıb.
Mütəxəssislərin müqavilələrinə xitam verilib. Onların vəzifələrindən azad edilmələri dövlət ittihamı ilə bağlıdır. Anfanq və Yunqla bağlı araşdırmalara başlanılıb. Hər iki məşqçi vaksinasiya ilə bağlı saxta sənədlərdən istifadədə günahlandırılır.
Qeyd edək ki, “Verder” II Bundesliqada 13 oyundan sonra 19 xalla 8-cidir.