ETOPAZ 
Türkiyə millisində yeni baş məşqçi
Türkiyə milli komandasının yeni baş məşqçisi müəyyənləşib. Bunu Türkiyə Futbol Federasiyası açıqlayıb.
“Ay-ulduzlular”ı almaniyalı Stefan Kuntz çalışdıracaq. Qurum bir müddət əvvəl ilkin razılığa gəldiyi 59 yaşlı mütəxəssislə münasibətləri rəsmiləşdirib.
Kuntzun təqdimat mərasimi sabah Riva Hasan Doğan Milli Komandalar Təlim Mərkəzində təşkil olunacaq. Tədbirdə TFF və almaniyalı mütəxəssis arasında rəsmi müqaviləyə imzalanacaq.
Xatırladaq ki, Türkiyə yığması DÇ-2022-nin seçmə mərhələsinin Niderlandla oyunundan (1:6) sonra Şenol Günəşlə yollarını ayırıb.
