ETOPAZ 
Tompsonla Karri 3-cü dəfə “250”ni fəth etdi
“Qolden Steyt”in iki basketbolçusu Stefan Karri və Kley Tompson mövsüm ərzindəki dəqiq üçxallıq atışların sayında 250-ni keçib. Hər iki oyunçu buna karyerasında 3-cü dəfə nail olub.
“Nyu Orlean”la görüşdən sonra Kleyin aktivində 278 belə atış var. Bu, onun karyerasının rekordudur. Karri isə “Pelikans”la görüşdə 250-yə çatıb. Cütlük 2015/16 və 2016/17 mövsümlərində də bunu bacarıb. Onlardan başqa NBA tarixinin heç bir cütlüyü üç dəfə belə uğura imza atmayıb.
