Anar Şabanoğlu 
Sürpriz kupon – 26.08.2025
Orlando Payrets – Orbit Kollec Ev sahibi qol buraxmadan qalib gələcək: Bəli
“Qara qitə”nin ən güclü komandalarından biri CAR Premyer Liqasının yeni siması “Orbit Kollec”i qəbul edəcək. Meydan sahibləri oyunun aşkar favoritidir. İlk 3 turda cəmi 1 qol vurmağı bacaran rəqib təcrübəli “Orlando Payrets”lə qarşılaşmada çətin ki, hansısa uğur əldə edə bilsin.
Zemelek – Farko 1-ci hissə/Oyun: 1/1
Afrikanın daha bir top klubu Misir Premyer Liqasının autsayderi ilə üz-üzə gələcək.
Rəqiblər arasında ciddi səviyyə fərqi var. Meydan sahibləri bu fərqi elə ilk hissədə nəticədə əks etdirəcək potensialdadır.
Pafos – Srvena Zvezda 1X və 1.5 ÜST
Prosineçki, Saviçeviç, Mihayloviç, Yuqoviç, Pançev nəsli ilə 1991-də Avropa Çempionlar Kuboku adlanan hazırki Çempionlar Liqasını qazanmış komanda indi cəmi 11 il əvvəl yaradılmış “Pafos”a uduzaraq turnirin liqa mərhələsinə düşməmək təhlükəsi ilə üz-üzədir. İspaniyalı mütəxəssis Xuan Karlos Karsedo “Pafos”da “pafossuz” əla kollektiv formalaşdıra bilib. Dəmir nizam-intizam və oturuşmuş oyun ötən mövsüm kluba tarixində ilk çempionluğu gətirdi. İndi isə ada təmsilşisi qocalmaq bilməyən David Luiz və Mislav Orşiç kimi tanınmış simalarla növbəti hədəfə – ÇL-in liqa mərhələsinə yaxındır. Sözsüz ki, “Srvena Zvezda” ustalıq baxımından rəqibindən üstündür. Amma Belqradda 2:1 hesablı sürpriz qələbə qazanmış kiprlilər doğma arenada fantastik azarkeş dəstəyi və istəklə tarix yaza bilər.
