Sənan Şəfizadə 
Sürpriz kupon – 19.12.2024
APOEL – Astana QOL/QOL
UEFA Konfrans Liqasında 5 turda 10 xal qazanan APOEL yalnız 1 oyunda qələbəyə sevinən “Astana”nı qəbul edəcək. Yeni reqlamentə öyrəşə bilməyən Qazaxıstan klubuna qələbə hava-su kimi vacibdir. Bir qələbə qonaqları turnir cədvəlində xeyli irəli qaldıracaq. Səfərdə APOEL-ə qalib gəlmək asan olmadığından qol-qol seçimi üzərində dayanıram.
Çelsi – Şemrok Rovers Çelsi və 2.5 ÜST
Konfrans Liqasında lider olan “Çelsi” bu oyuna ciddi itkilərlə çıxacaq. Müxtəlif səbəblərdən Fofana, Palmer, Ceyms və digərləri oyunda iştirak etməyəcək. Beş turda 3 qələbə qazanan qonaqların maksimum nəticəyə sahib “Çelsi”yə qarşı açıq futbol oynayacağını düşünmürəm. İngilislərin sürprizə imkan verəcəyi də inandırıcı deyil.
Gimarayş – Fiorentina 1-ci hissə 1.5 ÜST
Konfrans Liqasında turun ən maraqlı oyunlarından biri kimi təqdim olunur. Hərəyə 4 qələbə qazanan komandalar turnir cədvəlində 2-3-cü yerləri bölüşür. İlk dəfə qarşılaşacaq rəqiblər arasında İtaliya təmsilçisi favorit göstərilir. Bununla belə meydan sahiblərini də siyahıdan silmək olmaz. Riskli olsa belə, ilk 45 dəqiqədə ən azı 2 qolun vurulacağını proqnozlaşdırıram.
