İlkin Fikrətoğlu 
Sürpriz kupon – 18.12.2021
“Qreyter Fürt” – “Auqsburq” – 2,5 alt
Almanlar oynayırsa, “bu matç mütləq bol qollu olmalıdır” kimi qayda yoxdur, dostlar. Bundesliqanın bütün matçları 2,5 üst gəlməli deyil ki. Məncə, 17-ci turun 2,5 alt bitəcək oyunlarından biri də autsayderlərin görüşü olacaq. “Qreyter Fürt” 16 turda cəmi 13 qol vurub, amma 49-nu buraxıb.
16 matçda 17 qol vuran “Auqsburq”da isə rəqibin bu zəifliyindən istifadə edəcək hücum potensialı görmürəm. 2,5 alt daga real görünür.
“Hoffenhaym” – “Borussiya Münhenqladbax” – 2
Ardıcıl 4 turdur uduzan Münhenqladbax təmsilçisindən hər tur dönüş gözlənilir. Biz də ümidlərimizi bu oyuna bağlayaq. “Hoffenhaym”ın heyətdəki itkiləri, müdafiəsinin inamsız oyunu “Borussiya” nın sürpriz qələbəsinə inamımı artırır.
“Qalatasaray” – “İstanbul Başakşəhər” – 1
Oktyabrın 31-i “Qaziantep”ə 2:0 qalib gələn “Qalatasaray” ondan sonra superliqada keçirdiyi 5 matçın heç birini qazanmayıb.
Prinsipial xarakterli Fatih Terim komandasının 48 gün qələbəsiz qalmasına yəqin ki, daha dözmək fikrində deyil. Fikrimcə, “Qalatasaray” bu görüşə daha istəkli, motivasiyalı çıxacaq və qələbə hədəfinə çatacaq.
