Gündüz Abbaszadə 
Sürpriz kupon – 25.05.2025
Mançester Yunayted – Aston Villa 1
Çoxları düşünür ki, Aston Villa bu görüşdə qələbə qazanacaq. Onlara bu görüşdə qələbə vacibdir. Amma mən sürpiz nəticəyə ümid edirəm. Əslində Mançester Yunaytedin qələbəsinə sürpriz demək qəribə səslənir. Amma bu mövsümkü nəticələr belə deməyə əsas verir. Məncə Amorim və komandası son turda doğma azarkeşlərə qələbə sevinci bəxş edib, növbəti mövsüm üçün ümid verməyə çalışacaqlar. Bunu bacara bilərlər.
Tottenhem – Brayton 1
Avropa Liqasının qalibi olan Tottenhemdə əla ab-hava var. Son turda doğma azarkeşlər önündə bu titulu qələbə qazanaraq qeyd etmək yerinə düşər. Braytonun da heç bir iddiasının qalmadığını düşünsək, Tottenhemin qələbəsinə ümid etmək olar.
Venetsiya – Yuventus 1X
Yuventus üçün qələbə vacib olsa da, bu oyunda 1 xal da kifyət edə bilər. Lakin, Venetsiya üçün 3 xal daha önəmlidir. Klub bəlkə də tarixinin ən önəmli oyununa çıxacaq. Bu görüşdə qələbə A seriyasında qalmaq üçün çox vacibdir. Yuvenin mövsüm ərzində qeyri-stabilliyini nəzərə alsaq, düşünürəm ki, meydan sahibləri uduzmayacaq. Sürpriz kuponda risk etməyə dəyər.
