ETOPAZ 
Suarez A Seriyası yolunda
Luis Suarez mövsümün sonunda “Atletiko”nu tərk etməyə hazırlaşır. Madrid təmsilçisi Uruqvay millisinin üzvü ilə müqaviləni yeniləməyəcək.
La Liqa klubu ona əvəzləyici də axtarır. Suarez isə artıq təkliflər alıb. 35 yaşlı forvard konkret olaraq “İnter”, “Sevilya”, “Ayaks” və Braziliyanın bir neçə komandasının maraq dairəsindədir. Hazırda “İnter” bu mübarizədə daha şanslı sayılır.
Qeyd edək ki, Luis Suares bu mövsüm “Atletiko”nun heyətində 34 oyunda 11 qol vurub, 3 məhsuldar ötürmə verib.
