ETOPAZ 
Son 20 ildə ilk dəfə
Kişi tennisçilər arasında ilin yekun turnirində ilk finalçı bəlli olub. İtaliyalı Yannik Sinner yarımfinalda rusiyalı Daniil Medvedevə qalib gəlib – 6:3, 6:7 (4:7), 6:1.
Turindəki yarışın finalına yüksələn Sinner son 20 ilin ilkinə imza atıb. O, bu müddətdə təşkilatçı ölkənin nümayəndələri arasında finala adlayan ilk iştirakçıdır.
2003-cü ildə ABŞ tennisçisi Andre Aqassi öz ölkəsində finala yüksəlib. Sinnerin rəqibi Karlos Alkarasla Novak Cokoviçin duelində bəlli olacaq.
