ETOPAZ 
Solskyaer İngiltərə yolunda
Ule-Qunner Solskyaer İngiltərəyə qayıda bilər. Norveçli mütəxəssis “Vulverhempton”un baş məşqçisi vəzifəsinə namizəddir.
“Canavarlar” uğursuz nəticələrdən sonra dünən Hari Onillə yollarını ayırıblar. İngiltərə Premyer Liqasının 16-cı turunda “İpsviç”ə 1:2 hesablı məğlubiyyət klub rəhbərliyini bu addımı atmağa vadar edib.
İngiltərə mətbuatında Solskyaerin “Vulverhempton” – “İpsviç” matçını tribunadan izlədiyi bildirilib. Digər xəbərdə norveçli məşqçinin “İpsviç”in çalışdırıcısı Kiran Makkennlə dostluq əlaqələr olduğu üçün oyuna gəldiyi vurğulanıb.
Qeyd edək ki, 2018-ci ilin dekabrından 2021-ci ilin noyabrına kimi “Mançester Yunayted”ə rəhbərlik edib.
