ETOPAZ 
Skidan final mərhələsində
Paris-2024 Yay Olimpiya Oyunlarının atletika yarışları davam edir. Atletikada yeganə təmsilçimiz Anna Skidan bu gün mübarizəyə başlayıb.
Çəkicatmada çıxış edən təmsilçimiz təsnifat mərhələsində ilk cəhdində 69,58 m, ikinci atışında 69,04 m nəticə göstərib. Skidanın son yanaşması isə 72,55 m olub. A qrupunda 3-cü olan Anna yekunda 6-cı yeri tutub. Bu göstərici İslam Həmrəyliyi Oyunlarının ikiqat qalibinin finala vəsiqə əldə etməsini rəsmiləşdirib.
Qeyd edək ki, bu proqram üzrə 12 atletin iştirakı ilə final mərhələsi avqustun 6-da keçiriləcək.
