ETOPAZ 
Sinner yenidən yarımfinalda
Mayami turnirində 1/4 final mərhələsi davam edir. Yannik Sinner yarımfinala vəsiqə uğrunda matçda Emil Ruusuvuori ilə qarşılaşıb.
6:3, 6:1 hesabı ilə qalib gələn Sinner karyerasında 3-cü dəfə “Masters”in yarımfinalına yüksəlib. O, iki həftə əvvəl İndian Uellsdə, iki il öncə Mayamidə bunu bacarıb. İtaliyalı yarımfinala qədər cəmi 23 qeym uduzub. Bu, 2014-cü ildən sonra ən yüksək göstəricidir. 9 il əvvəl Novak Cokoviç eyni sayda, Rafael Nadal 21 qeym məğlub olub.
