ETOPAZ 
Sen-Maksimen “Əl-Əhli”yə gedir
“Nyukasl”ın futbolçusu Allan Sen-Maksimen karyerasını Səudiyyə Ərəbistanında davam etdirəcək. Hücumçu “Əl-Əhli” ilə razılığa gəlib.
26 yaşlı fransalı üçün onun klubuna 25 milyon avro ödəniləcək. Allan ötən mövsümdə 31 oyun keçirib.
Forvard bu matçlarda 1 qol və 5 assistlə yadda qalıb. Onun “Nyukasl”la müqaviləsi 2026-cı ilin yayında bitməlidir.
