San-Marino millisindən rekord

San-Marino millisindən rekord

San-Marino millisi yoldaşlıq oyununda Sent-Kits və Nevislə qarşılaşıb. 1:3 hesabı ilə uduzan Avropa təmsilçisinin yeganə qoluna Filippo Berardi imza atıb.

Bununla da San-Marino ardıcıl 4-cü oyunda qol vurub. Danimarka (1:2), Qazaxıstan (1:3) və Finlandiya (1:2) ilə AVRO-2024-ün seçmə oyunlarında da san-marinolular qol sevinci yaşayıb.

Bu, komandanın tarixində yeni rekorddur. San-Marino bunadək heç vaxt ardıcıl 4 matçda qol vurmayıb.