e-Topaz 
“San-Antonio”da vida
Hücumçu Çendler Hatçinson azad agent olacaq. 25 yaşlı basketbolçu “San-Antonio” ilə vidalaşacaq. Klub rəhbərliyi növbəti mövsüm üçün 4 milyon dollarlıq müqaviləsi olan oyunçu ilə yollarını ayırmağa qərar verib. “Spers” bu yay basketbolçu dəyişikliyindən sonra heyətinə qatdığı Hatçinsonu saxlamağa ehtiyac duymayıb.
Çendler 2018-ci ilin draftında “Çikaqo” tərəfindən 22-ci nömrə altında seçilib. O, ötən mövsümü “Vaşinqton”da bitirib. Hücumçu burada keçirdiyi 18 oyunda orta hesabla 5,2 xal toplayıb.
