“Şamaxı”dan 850-ci qol

“Şamaxı”dan 850-ci qol

“Şamaxı” Azərbaycan çempionatlarında 850-ci qolunu vurub. Bu, Azərbaycan Premyer Liqasının XXV turuna təsadüf edib. Ayxan Abbasovun yetirmələri səfərdə “Səbail”ə 2:0 hesabı ilə qalib gəlib. 

Bu görüşdəki ilk qol bölgə təmsilçisi üçün yubiley xarakteri daşıyıb. 850-ci topun müəllifi Vasiliye Bakiç olub. Əvvəllər “Xəzər Universiteti”, “İnter” və “Keşlə” adlarını da daşıyan komanda 682-ci görüşdə bu göstəriciyə çatıb. Vurulan 851 qoldan 458-i evdə, 393-ü səfərdə qeydə alınıb.

Qeyd edək ki, “Şamaxı” bu göstəricidə yalnız “Qarabağ”, “Neftçi” və “Kəpəz”dən geri qalır.

ETOPAZ

Əvvəlki yazı

Azərbaycanın mövqeyi dəyişmədi

Növbəti yazı

Premyer Liqada ən böyük fərq