ETOPAZ 
“Sakramento” seçim qarşısında
Lyuk Uoltonu istefaya göndərən “Sakramento” baş məşqçi axtarışlarını davam etdirir. “Kinqz” iki mütəxəssis arasında seçim etmək niyyətindədir.
Klub rəhbərliyi “Qolden Steyt”də köməkçi məşqçi kimi çalışan Kenni Etkinson və Mayk Braunun xidmətində maraqlıdır. Onlardan birinin baş məşqçi gətiriləcəyi gözlənilir.
Uoltonun istefasından sonra komandaya Elvin Centri başçılıq edir. Kaliforniyalılar hazırda Qərb konfransında 11-ci yerdə qərarlaşıb. “Kinqz” 20 oyunda 8 qələbə qazanıb.
