ETOPAZ 
Sadro məşqləri bərpa etdi
Braziliya millisinin futbolçusu Aleks Sandro məşqləri bərpa edib. 31 yaşlı müdafiəçi komandanın dünənki qapalı məşqinə də qatılıb.
Cənubi amerikalı zədədən sonra bərpa olunub. Amma onun Xorvatiya ilə bugünkü qarşılaşmada iştirakı sual altındadır. Bu üzdən də Eder Militaonun sağ, Danilonun sol cinahda oynayacağı gözlənilir.
Qeyd edək ki, Braziliya və Xorvatiya arasında bugünkü 1/4 final oyunu Bakı vaxtı ilə saat 19:00-da başlayacaq.
