Sabiq birinci raketkanı həbs cəzası gözləyir
Dünyanın sabiq birinci raketkası Aranta Sançes-Vikario həbs oluna bilər. “Böyük dəbilqə” turnirlərinin dördqat çempionu borcların ödənilməsi üçün sərf olunmalı vəsaiti gizlətməkdə günahlandırılır. Onun vergi borclarını ödəməmək üçün 5 milyon avrodan artıq məbləği Lüksemburq bankında gizlətdiyi iddia olunur. Məhkəmədə onun günahı təsdiqlənsə, sabiq tennisçini 4 illik həbs cəzası gözləyir. Sançes-Vikario bütün maliyyə cinayətlərini keçmiş həyat yoldaşının gerçəkləşdirdiyini iddia edir.