ETOPAZ 
“Sabah”ın rəqibi bəlli oldu
UEFA Avropa Liqası ilə vidalaşan “Sabah” mübarizəsini Konfrans Liqasının II təsnifat mərhələsində davam etdirəcək. Bakı təmsilçisi Moldova klubu “Petrokub”la qarşılaşacaq.
Komandalar arasında ilk oyun iyulun 24-də səfərdə, cavab görüşü isə bir həftə sonra Bakıda keçiriləcək.
Xatırladaq ki, “Petrokub” turnirin I təsnifat mərhələsində Malta təmsilçisi “Birkirkara”nı iki oyunun nəticəsinə görə üstələyib – 0:1, 3:0.
Qeyd edək ki, “Sabah” Avropa Liqasının I təsnifat mərhələsində Sloveniya klubu “Selye” ilə mübarizədə turnirdən kənarda qalıb – 2:3, 3:3.
