“Sabah”dan qələbə, autsayderlərdən heç-heçə

“Sabah”dan qələbə, autsayderlərdən heç-heçə

Azərbaycan Premyer Liqasında XV tura yekun vurulub. Bu gün turun son iki matçı baş tutub.

İkinci pillədə qərarlaşan “Qəbələ” “Sabah”ın qonağı olub. Bakı klubu üç cavabsız qolla böyükhesablı qələbə qazanıb. Paytaxt təmsilçisinin heyətində Coy-Lens Mikels, Xuan Kamara və Xulio Sezar Rodriges fərqlənib.

Autsayderlərin duelində “Səbail” “Sumqayıt”ı qəbul edib. Son iki pillədə qərarlaşan komandaların duelində qalib müəyyənləşməyib – 1:1. Domantas Şimkusun hesabı açdığı görüşdə Camal Araqonun avtoqolu meydan sahiblərinin qələbəsinə mane olub.

Qeyd edək ki, turun ilk günündə “Zirə” “Keşlə”ni 1:0, “Qarabağ” “Neftçi”ni 2:1 hesabı ilə üstələyib.