ETOPAZ 
Ronaldodan yeni rekord
“Mançester Yunayted”in futbolçusu Kriştiano Ronaldo Çempionlar Liqasının tarixinə düşüb. Portuqaliyalı hücumçu qitənin ən nüfuzlu klub turnirində ən çox oyun keçirən futbolçu adına yiyələnib.
Ronaldonun rekordu “Vilyarreal”la II turun görüşündə (2:1) rəsmiləşib. Bu matç Kriştianonun Çempionlar Liqasında 178-ci oyunu olub.
Ulduz forvard ispaniyalı qapıçı İker Kasilyasın rekordunu arxada qoyub. Əfsanəvi qolkiperin aktivində 177 matç var.
Ronaldo bu 178 görüşü 3 komandanın heyətində keçirib. “Mançester Yunayted”də 54, “Real”da 101, “Yuventus”da 23 matç keçirən hücumçu vurduğu “Vilyarreal”la görüşdə özünün 136-cı qoluna imza atıb. O, həm də Çempionlar Liqasının ən yaxşı bombardiridir.
