ETOPAZ 
Ronaldodan rekord
Kriştiano Ronaldo futbol tarixinə düşüb. O, ən çox oyun keçirən futbolçu rekorduna imza atıb.
Beynəlxalq Futbol Tarixi və Statistikası Federasiyasının (IFFHS) hesablamalarına görə Portuqaliya yığmasının İrlandiya ilə yoldaşlıq matçında Ronaldo 1226-cı dəfə meydana çıxıb. 39 yaşlı futbolçu bu göstəricidə hesabında 1225 oyun olan braziliyalı qapıçı Rojerio Senini arxada qoyub.
Kriştiano Portuqaliya, İngiltərə, İspaniya, İtaliya və Səudiyyə Ərəbistanı çempionatlarında 698 oyun keçirib. O, bu ölkələrin kubok və superkubok yarışlarında 101 matçda meydana çıxıb. Ronaldonun hesabında beynəlxalq klub yarışlarında 220, milli komandada isə 207 qarşılaşma var.
