ETOPAZ 
Ronaldodan qələbə ilə debüt
Kriştiano Ronaldo “Əl-Nəsr”də debüt edib. Onun komandası Səudiyyə Ərəbistanı çempionatının 14-cü turunda “Əl-İttifaq”la qarşılaşıb.
Ər-Riyad təmsilçisi 1:0 hesablı qələbə qazanıb. 38 yaşlı portuqaliyalı hücumçu görüşü əvəzolunmadan keçirib.
Kriştiano karyerası ərzində heç bir komandadakı debütdə uduzmayıb. Onun yalnız “Sportinq”dəki 2002-ci ildəki ilk matçı qolsuz heç-heçə ilə başa çatıb.
“Mançester Yunayted” və Portuqaliya yığmasında 2003-cü, “Real”da 2009-cü, “Yuventus”da 2018-ci ildə debüt edən forvard hər dəfə qələbəyə şahid olub.
