ETOPAZ 
Ronaldodan onuncu “60+”
“Əl-Nəsr” Səudiyyə Ərəbistanı çempionatının 14-cü turunda “Əl-Ohdud”a 3:0 hesabı ilə qalib gəlib. Kriştiano Ronaldo bu matçda iki qola imza atıb.
38 yaşlı portuqaliyalı ulduz 2023-cü ildəki qol sayını 48-ə çatdırıb. Klub və yığmada 13 məhsuldar ötürməsi də olan Ronaldo ümumilikdə 61 qola töhfə verib.
O, karyerasında 10-cu dəfə təqvim ilində “qol+ötürmə” ilə “60+”ə mail olub. Ronaldo 2010 (48+18), 2011 (60+18), 2012 (63+13), 2013 (69+15), 2014 (61+20), 2015 (57+17), 2016 (55+16), 2017 (53+12) və 2018-ci (49+13) illərdə də məhsuldarlıq nümayiş etdirib.
