ETOPAZ 
Ronaldo Sulşeri keçdi
Kriştiano Ronaldo “Mançester Yunayted”in heyətində vurduğu qolların sayını 127-yə çatdırıb. Portuqaliyalı hücumçu Çempionlar Liqasının “Atalanta” ilə matçında (2:2) dubla imza atıb. 36 yaşlı forvard 303 oyunda 127 qol vurub. O, bu göstəricidə baş məşqçisi Ole-Qunnar Sulşeri keçib. Norveçli 1996-2007-ci illərdə “Mançester Yunayted”də 366 görüşdə 126 qol vurub.
Kriştiano Çempionlar Liqasında vurduğu qolların sayını 139-a çatdırıb. O, turnirin ən yaxşı bombardiridir. Lionel Messinin 123, Robert Levandovskinin 81 qolu var.
Ronaldo “Mançester Yunayted”ə qayıtdıqdan sonra Çempionlar Liqasındakı bütün oyunlarda – 4 qarşılaşmada qol vurub. O, cari mövsümün milli və klubda keçirdiyi ümumilikdə 15 matçında 15 dəfə qol sevinci yaşayıb.
