ETOPAZ 
Ronaldo 168-ci komandaya qol vurdu
Kriştiano Ronaldonun karyerası ərzində qol vurduğu komandaların sayı 168-ə çatıb. Portuqaliyalı hücumçu “Brentford”la oyunda rəqib qapısına yol tapıb.
Premyer Liqanın 35-ci turunun matçında penaltini dəqiq yerinə yetirən Ronaldo “Mançester Yunayted”in 3:0 hesablı qələbəsində pay sahibi olub. Bu görüşədək 167 rəqibə qol vuran forvard ilk dəfə “Brentford”u məyus edib. Kriştiano Premyer Liqanın cari mövsümündəki qol sayını 18-ə yüksəldib.
