ETOPAZ 
Robbenlə Berqkampa yeni şərik
Niderland millisi DÇ-2022-nin seçmə mərhələsinin IX turunda Monteneqro ilə qarşılaşıb. Səfərdəki 2:2 hesablı heç-heçə zamanı hər iki qolu Memfis Depay vurub.
O, yığmadakı qol sayını 37-yə çatdırıb. Depay Niderland yığmasının tarixinin ən yaxşı bombardirləri siyahısında da irəliləyib.
Memfis 35 qola imza atan Ruud van Nistelroyu arxada qoyub. Hücumçu 4-cü sırada qərarlaşan Dennis Berqkampla Aryen Robbenə çatıb.
Yalnız üç futbolçu daha çox qol vurub. Robin van Persi 50, Klas-Yan Huntelar 42, Patrik Klyuvert 40 dəfə fərqlənib.
